Ngrihet alarmi: Municionet mund të shpërthejnë pranë Çernobilit

Forcat e armatosura të Ukrainës kanë paralajmëruar se ekziston rreziku që municionet të shpërthejnë pranë termocentralit bërthamor të Çernobilit, tha zëvendëskryeministrja e Ukrainës, Irina Vereshchuk.

Termocentrali bërthamor i Çernobilit, i cili ishte skena e aksidentit më të keq bërthamor në histori në vitin 1986, u mor nën kontroll nga forcat ruse muajin e kaluar.

Rusia pas pushtimit të termocentralit bërthamor tha se “rrezatimi është brenda niveleve normale” dhe pretendoi se pushtimi i termocentralit “parandaloi provokimet e mundshme bërthamore nga nacionalistët ukrainas”

Vereshchuk tha gjithashtu se gjatë negociatave të djeshme, Ukraina i kërkoi Rusisë të lejojë krijimin e 97 korridoreve humanitare për t’i evakuuar civilët nga qytetet dhe fshatrat më të goditura.

“Ne kërkojmë që Këshilli i Sigurimit i OKB-së të marrë masa urgjente për të çmilitarizuar zonën e përjashtimit të Çernobilit dhe të nisë një mision të posaçëm të OKB-së për të eliminuar rrezikun e një përsëritjeje të katastrofës bërthamore”, shtoi Vereschuk.

Ngrihet alarmi: Municionet mund të shpërthejnë pranë Çernobilit

Të ngjashme

Rutte: NATO do të punojë me këdo që do ta udhëheqë Kosovën

Procesohen edhe disa vota në KQZ – VV dhe AAK shënojnë rritje, PDK e LDK mbetën njëjtë

Problemet me rezultate e numërim, KQZ del me komunikatë

“Hajvana” – Gjuha denigruese e Kurtit ndaj opozitës mori vëmendjen e mediave botërore

Lajmet e fundit