Shërbimi Korrektues i Kosovës, ka njoftuar se sot rreth orës12:42 në Qendrën Korrektuese për Femra në Lipjan, e dënuara me inicialet M.K, viti i lindjes 2000 është ndarë nga jeta.
E dënuara, në QKF Lipjan është pranuar më 27.04.2021, ka njoftuar SHKK.
Express mëson se e ndjera ishte dënuar me një vit burgim për veprën penale “dhunë në familje”.
Shkaqet e vdekjes nuk janë bërë të ditura, teksa SHKK thotë se që nga fillimi i pranimit të saj deri më 18.06.2021 viktima ka qenë në vëzhgim çdo 15 minuta nga psikologu i Qendrës.
“Po ashtu, nga data 02.11.2021 ka qenë në vëzhgim (observim) çdo 30 minuta, i cili vëzhgim ka vazhduar”, thekson SHKK.
Lidhur me këtë rast nuk dihet nëse ka ndonjë zyrtar të suspenduar.
