Mes bombardimeve dhe luftimeve, presidenti i Ukrainës, Volodymyr Zelensky, sfidoi ushtrinë ruse duke udhëtuar nga Kievi për në Odesa. Këtë vizitë e ndërmori me qëllimin e vetëm për të “dhënë bekimin” e tij për rikthimin e eksporteve. Bashkë me ambasadorët e vendeve të G7-ës, Zelensky inspektoi portin e Odesës në Detin e Zi, nga ku do të nisen disa anije të huaja të mbushura me grurë dhe produkte të tjera.
“Është e rëndësishme për ne të mbesim garantor të sigurisë ushqimore globale. Teksa dikush bllokon Detin e Zi dhe merr jetë në vende të tjera, ne mundësojmë që njerëzit të mbijetojnë”, ishte mesazhi i presidentit ukrainas
