VV pret nga Presidentja “mandatarin për qeveri të re” dhe konstaton gjendje “tërësisht kushtetuese”

Hekuran Murati, juristi me hobi i Vetëvendosjes, konstatoi gjendje “tërësisht kushtetuese” dhe bëri thirrje te Presidentja e Kosovës, Vjosa Osmani, që të ofrojë “mandatarin për qeveri të re”. Kuvendi i Kosovës u shpall “i konstituuar” nga Dimal Basha, Kryetar i Kuvendit, pavarësisht moszgjedhjes së një Nënkryetari nga radhët e komunitetit serb. Ky i fundit tha se moszgjedhja e një Nënkryetari nuk mund të jetë pengesë për konstituimin e Kuvendit të Kosovës, dhe se është ezauruar rendi i ditës, përkatësisht Pika 4 e zgjedhjes së Nënkryetarëve.

…

Nenad Rashiqi, i përzgjedhuri i VV-së për Nënkryetar Kuvendi nga radhët e komunitetit serb që kanë ulëse të rezervuara dhe kushtetuetshmërisht iu takon pozita, nuk u zgjodh – Lista Serbe, që ka 9 nga 10 deputetë të këtij komuniteti e adresoi çështjen në Gjykatë Kushtetuese.

Për Vetëvendosjen moszgjedhja e një Nënkryetari “nuk mund të përbëjë pengesë, që bllokon, konstituimin e Kuvendit” dhe se “vazhdohet me punë”.

“Përtej talljes me shtetin”, e quajti Kryetari i Partisë Demokratike të Kosovës, Memli Krasniqin, gjendjen e krijuar, dhe tha se assesi nuk është konstituar Kuvendi i Kosovës, dhe se Vetëvendosja “po sharron në shkelje edhe më të mëdha të Kushtetutës”.

“Çmenduri”, në anën tjetër, e quajti Kryetari i Lidhjes Demokratike t ëKosovës, Lumir Abdixhiku, ndërsa tha se LDK nuk do të merr pjesë në takimin e thirrur për të hënën nga Kryetari i Kuvendit, Dimal Basha.

Vetëvendosja, në anën tjetër, thotë se konstituimi i Kuvendit të Kosovës “është punë e kryer”.

“Tash, çështja është që procedurat në vihim të parapara në Kushtetutë. Fillimisht mandatari nga Presidentja, njëherë na duhet mbledhje e KP të VV-së, dhe pas nominimit nga Presidentja, pastaj do të kemi seancën për qeveri. Situata është kushtetuese sepse kemi shterrur të gjitha mundësitë.

Janë tentuar dhe procuar të gjithë kandidatët, dhe asnjë nuk ka marrë votat. Në situatë të tillë nuk mund të bllokohet vendi. Të vimë te situata e mandatarit, pastaj shohim. Sitauta ka këto opsione. Të vazhdohet me institucionet, krijimin e tyre. A i kemi numrat do ta shihni në seancën kur votohet qeveria”, tha Murati.

Ish-Kryetari i Gjykatës Kushtetuese të Kosovës, Enver Hasani, tha për “Koha.net” se nuk ka konstituim të Kuvendit të Kosovës pa zgjedhjen e të gjithë Nënkryetarëve të Kuvendit – kjo pasi Vetëvendosja e shpalli të “përmbyllur” seancën konstitutive edhe pa një Nënkryetar nga komuniteti serb.

“Tërë procedura e ndjekur për zgjedhjen e nënkryetarëve është në kundërshtim me Kushtetutën e Kosovës, Rregulloren e Kuvendit dhe aktgjykimet e Gjykatës Kushtetuese. Që nga ndërrimi rendit të ditës e deri te hedhja shortit dhe pamundësia e kandidimit të kandidatit serb nga shumica e deputetëve serb në Kuvendin e Kosovës.

Sigurisht që kjo ka pasoja në raport me pozitën ndërkombëtare të Kosovës dhe, mbi të gjitha, flet qartë për shpërfillje të vetëdijshme dhe me qëllim të rendit kushtetues dhe ligjor të Republikës së Kosovës nga kryetari Kuvendit dhe partia që ai përfaqëson”, ka thënë Hasani.