Tre të lënduar nga një aksident në rrugën “Fahri Fazliu” në Prishtinë

Një aksident trafiku ka ndodhur rreth orës 16:30 në rrugën “Fahri Fazliu” në Prishtinë, ku tre persona kanë pësuar lëndime.

Aksidentin për Sinjalin e ka konfirmuar Enis Pllana, Zyrtar për Informim për Kryeqytetin në Policinë e Kosovës, i cili tha se të lënduarve u është ofruar ndihmë mjekësore.

“Njësia e Trafikut të Kryeqytetit ka dalë në vendin e ngjarjes dhe ka nisur një hetim lidhur me rrethanat e këtij aksidenti,” tha tutje ai për Sinjalin.