Tentuan përfitimin financiar në emër të sëmundjes së një fëmije, flet babai

Disa persona dyshohet se kanë tentuar të përfitojnë materialisht në emër të një sëmundje të një fëmije në komunën e Pejës.

Të njëjtit, dyshohet se kanë tentuar ta mashtrojnë edhe babanë e fëmijës, Astrit Begollin.

Begolli, në Klan Kosova tha se pavarësisht se nuk i kanë dhënë askujt të drejtë për të hapur një konto në emër të sëmundjes së fëmijës së tij, ajo prapë se prapë u hap.

“Rasti më shqetësues për mua ka qenë para tri ditëve, kur më ka kontaktuar një person duke u paraqitur si biznesmen, si shok i ngushtë i Mentor Petreles, më tha se dërgon një shumë prej 15 mijë eurove për shpenzimet e djalit, por insistonte që unë të paguaja një komision në bankë. Unë e pash që po më mashtron, e pastaj nisën kërcënimet, e thirri profesorin e ndaluar dhe ma ndali mjekimin në spital. Ja nisi me më sha e me më kërcënu. Veç po du me iu thanë qytetarëve që të mos bien pre e mashtrimeve”, tha ai.