Të shtënat me armë zjarri mbrëmë në Rrugën B, policia jep detaje

Të shtëna me armë zjarri u dëgjuan mbrëmë në Rrugën B në Prishtinë.

Policia e Kosovës sot në raportin 24-orësh tha se dy vetura më targa vendore janë dëmtuar nga këto të shtëna dhe se në vendngjarje kanë gjetur 22 gëzhoja.

“Prishtinë / 12.05.2025-23:53.  Pas pranimit të informatës për të shtëna me armë zjarri, njësitë policore kanë dalë në vendin e ngjarjes dhe gjatë ekzaminimit kanë gjetur dhe konfiskuar 22 gëzhoja. Si pasojë e të shtënave, janë dëmtuar dy vetura me targa vendore. Lidhur me rastin, është informuar dhe konsultuar edhe prokurori, ndërsa njësitet policore janë duke hetuar rastin”, thuhet në raportin 24-orësh./