Rubin për UÇK-në: Emërtimet si “Shtab i Përgjithshëm” dhe “Qeveri e Përkohshme” ishin aspirata, paraqitje, jo realitet

James Rubin, ish-top zyrtari amerikan, gjatë dëshmisë së tij në Dhomat e Specializuara, deklaroi se emërtimet si “Shtab i Përgjithshëm” dhe “Qeveri e Përkohshme” përbënin më shumë një paraqitje për publikun sesa realitet të organizuar.

Pyetur nga gjyqtarët nëse po mohon ekzistencën e këtyre strukturave, Rubin theksoi se nuk ishte kështu, por se ato ishin organizime të njerëzve në kohë lufte, që synonin të paraqiteshin “si organizim i lartë institucional”.

“Dëshirë paraqitjeje për njerëzit që ashtu po funksiononin, se kishte Qeveri të Përkohshme. Ne atë nuk e njihnim, i njihnim thjesht që po luftonin për njerëzit e tyre, ishin zonë lufte,” tha Rubin.

Ai shtoi se, në një zonë lufte, grupet që merrnin pjesë në negociata të larta shpesh paraqiteshin si një organizim i lartë me Shtab të Përgjithshëm e Qeveri të Përkohshme. “Unë po ju them që e përshkruarnin veten më shumë se që ishin… nuk deshta t’i ulë për nga rëndësia, thjesht po them që ato emërime ishin aspirata… në përshkrimin e tyre se çka deshtëm ne të të besonim, ata shpesh ekzagjoronim, ndoshta edhe unë do ta kisha bërë. Por unë si i jashtëm duhet t’i bëjë dallim. A ishin ne të gatshëm t’u japim armë organizimeve me ungesë kontrolli komandues, strukturë të organizuar, jo reale,” tha Rubin.