Rruga që shpie drejt Merdares bllokohet nga serbët, rekomandohet shfrytëzimi i pikëkalimeve të tjera

Qendra Kombëtare për Menaxhim Kufitar ka njoftuar se sot, më 01.07.2025, me fillim nga ora 18:00, rruga që çon në PKK Merdarë nga Serbia do të jetë e bllokuar nga qytetarët serbë, të cilët do të pamundësojnë kalimin e lirë të udhëtarëve, raporton Gazeta Sinjali.

Për të shmangur pengesat dhe bllokimin e kalimit në këtë rrugë, autoritetet inkurajojnë udhëtarët që të përdorin pika të tjera kalimi kufitar, deri në njoftimin e mëtejshëm.

Njoftimi i plotë;

Bazuar në informatat e pranuara, sot me datë: 01.07.2025, me fillim nga ora 18:00, rruga e cila shpien në PKK Merdarë nga Serbia do të jetë e bllokuar nga qytetarët serbë të cilët do të pamundësojnë kalimin e lirë.

Me qëllim të evitimit të kësaj rruge dhe pengesave në rrugë që shpiejnë në PKK Merdare, inkurajojmë udhëtarët që të shfrytëzojnë PKK tjera, deri në njoftimin tjetër. Ju falënderojmë për bashkëpunim.

Për më shumë kontaktoni në numrat 045198000, 045198606 dhe në numrin pa pagesë 080050095.