Çmimet e konsumit në Kosovë kanë shënuar rritje mesatare prej 4,5 për qind në gusht 2025, krahasuar me të njëjtën periudhë të vitit paraprak.
Ndërkaq sipas të dhënave të Agjencisë së Statistikave të Kosovës (ASK), inflacioni mujor, krahasuar me korrikun 2025, ishte 0,5 për qind.
Në raportin e ASK-së thuhet se rritja vjetore u ndikua kryesisht nga ngritja e çmimeve të energjisë elektrike (17,1%), pushimeve të organizuara (17,1%), kafesë, çajit dhe kakaos (16,7%), pemëve (16,6%) dhe mishit (12,4%).
Po ashtu, ndikim të konsiderueshëm kanë pasur edhe shërbimet për mirëmbajtjen e transportit personal (10,7%), shërbimet e tjera lidhur me transportin (10,4%), perimet (9,7%), vajrat dhe yndyrnat (8,6%), shërbimet hoteliere (8,2%) si dhe produktet e qumështit, djathit dhe vezët (8,2%).
Në anën tjetër, ulje e çmimeve është shënuar te biletat e fluturimeve (-7,8%), lëndët djegëse të ngurta si druri dhe pelet (-4,1%), si dhe karburantet dhe lubrifikantët për transportin personal (-3,2%). Këto zbritje patën një ndikim të përbashkët prej -0,4% në indeksin e harmonizuar të çmimeve të konsumit.
Në krahasim mujor pra gusht 2025 me korrik 2025, rritja prej 0,5% është shpjeguar kryesisht me shtrenjtimin e biletave të fluturimeve (15,4%), produkteve të qumështit, djathit dhe vezëve (2,4%), perimeve (1,2%) si dhe karburanteve për transportin personal (0,8%)
Të tjera
Aktuale
FSK po realizon ushtrimin fushor “Ujku Shigjetë” për të testuar kapacitetet luftarake
Forca e Sigurisë së Kosovës përmes
Aktuale
Policia jep detaje rreth helmimit të disa nxënësve në Pejë
Më herët, IndeksOnline raportoi se dhjetëra
Aktuale
Kurti: Kosova është partnere e NATO-s
Kryeministri në detyrë Albin Kurti në