Rrahja në Podujevë, policia bastis dy lokacione- Konfiskon armë e fishekë

Policia e Kosovës, ka dhënë detaje për rrahjen e djeshme që ka ndodhur në Podujevë ku janë përfshirë disa persona.

Policia ka theksuar se janë arrestuar katër persona, dhe se gjatë bastisjes, dhe në vendin e ngjarjes, policia ka konfiskuar 1 pistoletë, 50 fishekë, 2 karikatorë të AK47 me 45 fishekë.

Raporti:

VRASJE NË TENTATIVË & ARMËMBAJTJE PA LEJE & PJESMARRJE NË RRAHJE

Podujevë  21.10.2025 – 14:53. Janë arrestuar katër të dyshuar meshkuj kosovar, nën dyshimin se të njëjtit pas një mosmarrëveshje janë përfshirë në rastet e lartcekura. Njësitet policore në vendin e ngjarjes dhe gjatë bastisjes në dy lokacione- në shtëpitë e të dyshuarave kanë gjetur dhe konfiskuar: 1-pistoletë me 50-fishekë, 2-karikatorë të AK-47 me 45-fishekë, ndërsa në lokacionin e dytë 10-fishekë të armës së shkurtë.  Me vendim të prokurorit, të dyshuarit pas intervistimit janë dërguar në mbajtje.