Rama uron Krishtlindjen: Shqiptarët kanë qenë gjithmonë shembull i bashkëjetesës fetare

Kryetari i Komunës së Prishtinës, Përparim Rama ka uruar festën e Krishtlindjeve.

Ai ka thënë se këto ditë shprese, lë të na kujtojnë vlerat më të bukura njerëzore, që janë dashuria, paqja, mirësia dhe respekti për njëri tjetrin.

“Shqiptarët kanë qenë gjithmonë shembull i bashkëjetesës fetare, ku besime të ndryshme jetojnë në harmoni, duke u bashkuar në vlera të përbashkëta dhe në dashurinë për atdheun. Le ta ruajmë dhe forcojmë këtë trashëgimi të çmuar, duke ndërtuar ura mirëkuptimi dhe solidariteti”, ka shkruar Rama.

Ai ka uruar që Krishtlindjet të sjellin paqe në çdo familje, shëndet, begati dhe më shumë dashuri mes nesh, pa dallim feje apo bindjeje.

“Gëzuar Krishtlindjet dhe qofshi gjithmonë të bashkuar në paqe e vëllazëri!”, ka shtuar Rama.