Pas vendimit të Qeverisë së Kosovës për ndarjen e 4 milionë eurove për subvencionimin e pagave për minatorët e Trepçës, Sindikata e Pavarur e Minatorëve të Trepçës kanë bërë të ditur se nuk do ta mbajnë protestën e thirrur për ditën e enjte.
Sipas një postimi në rrjetin social në Facebook bëhet e ditur se qëllimi i minatorëve për ekzekutimin e pagave është realizuar.
“Sot më datë 14.08.2024 Qeveria e Republikës së Kosovës ka ndarë një shumë prej 4 milionë për subvencionimin e pagave për minatorët e Trepca Sh.A.
Nisur nga fakti se ditën e djeshme kemi njoftuar se do të mbajmë një protestë pran Qeverisë së Republikës së Kosovës, me qëllimin e vetëm që të kërkojmë ekzekutimin e pagave të papaguara, e duke pasur parasysh reflektimin e qeverisë, ne tërhiqemi nga protesta e cila do të ndodhte nesër.
Qëllimi i minatorëve për ekzekutimin e pagave thuajse është realizuar, ndaj edhe e vlerësojmë të paarsyeshme mbajtjen e protestës ditën e nesërme. Ky edhe ka qenë qëllimi i vetëm i protestës dhe se në asnjë moment kërkesave të minatorëve nuk mund dhe nuk duhet t’i vihen ngjyrime politike”, thuhet në postim.
Tutje në postim thuhet se minatorët nuk kanë kërkuar dhe nuk kërkojnë asgjë tjetër, përveç kushte për punë dhe paga dinjitoze.
“Përkushtimi ynë për punë në minierë është dhe do të mbetet përherë i palëkundur. Prandaj lusim të gjithë minatorët t’i kthehen punës”.
Të tjera
Aktuale
Ekskluzive: Ndalet edhe një tjetër anëtar i familjes Paçarizi
Gjatë aksionit të sotëm të Policisë
Aktuale
Kryeziu: Vetëm në një klasë në Prizren s’pati keqpërdorime me vota
Kryeprokurori i Prizrenit, Petrit Kryeziu, tha
Aktuale
Prizreni kampion i keqpërdorimit të votave: 109 të ndaluar dhe mbi 68 mijë vota të manipuluara
Kryeprokurori i Prokurorisë Themelore, Petrit Kryeziu,