Putin thotë se takimi me Trump ”ka qenë i vonuar”

Presidenti rus i filloi deklaratën e tij në konferencën për shtyp duke pranuar se marrëdhëniet SHBA-Rusi kanë vuajtur vitet e fundit.

“Dihet që nuk ka pasur samite midis Rusisë dhe SHBA-së për katër vjet, dhe kjo është një kohë e gjatë. Kjo kohë ishte shumë e vështirë për marrëdhëniet dypalëshe. Dhe të jemi të sinqertë, ato kanë rënë në pikën më të ulët që nga Lufta e Ftohtë. Mendoj se kjo nuk po u sjell dobi vendeve tona dhe botës në tërësi”, tha ai, raporton CNN.

“Një takim personal midis krerëve të shteteve ka qenë i vonuar shumë”, shtoi ai.