“Problemet martesore me Michelle”- Obama flet për herë të parë

Barack Obama ka bërë një pranim të rrallë lidhur me sfidat në martesën e tij me Michelle Obamën.

Ish-Zonja e Parë, Michelle, më parë kishte mohuar thashethemet për krizë martesore gjatë verës, duke i quajtur të pavërteta. Ajo dhe Barack janë martuar në vitin 1992 dhe kanë qenë bashkë që prej atëherë. Megjithatë, mungesa e saj në disa ngjarje të rëndësishme – përfshirë inaugurimin e Donald Trump dhe varrimin e ish-presidentit Jimmy Carter – ngriti dyshime në publik.

Michelle i ka kundërshtuar hapur këto zëra në podkaste të ndryshme. Në një intervistë në The Diary of a CEO, ajo u shpreh:
“Nëse do të kisha probleme me bashkëshortin tim, të gjithë do ta dinin. Do t’i zgjidhja problemet hapur. Nuk jam një martire.”

Në podkastin e saj The Light Podcast, ajo sqaroi se mungesa në inaugurimin e Trump ishte një vendim personal, që solli “kritika dhe tallje”, ndërsa shtoi:
“Njerëzit nuk mund të besonin që po merrja një vendim për veten, ndaj supozuan se martesa po më prishej.”

Nga ana tjetër, Barack Obama zakonisht nuk flet për jetën private, por kohët e fundit ka pranuar se ka kaluar një periudhë të vështirë pas largimit nga Shtëpia e Bardhë. Gjatë një interviste në O2 Arena në Londër me historinë David Olusoga, ai tha:

“Po përpiqesha të dilja nga gropa ku isha me Michelle. Tani jam përafërsisht në terren të rrafshët.”

Ai gjithashtu ka pranuar se koha si president (2009–2017) ndikoi në martesën e tyre:
“Kisha një borxh emocional ndaj bashkëshortes sime. Po përpiqem të dal nga ajo gropë duke bërë herë pas here gjëra argëtuese,” tha ai në një tjetër intervistë në prill.

Michelle, nga ana e saj, ka rrëfyer se ka pasur vështirësi me pritshmëritë e njerëzve:
“Gratë shpesh kanë frikë të zhgënjejnë të tjerët. Deri në atë pikë sa njerëzit nuk mund të kuptonin që po bëja një zgjedhje për veten – menduan menjëherë se po divorcoheshim.”

Ajo zgjodhi të tërhiqej pak nga qendra e vëmendjes, por dashurinë për familjen e shfaqi në mënyra të tjera. Për Ditën e Babait, ajo postoi:

“@BarackObama ka qenë gjithmonë aty për ne – edhe kur mbi shpatullat e tij ndjente peshën e botës. Jemi gjithmonë mirënjohës. Gëzuar Ditën e Babait për Barack-un dhe të gjithë baballarët!”