Prizreni i bashkohet protestës së madhe në mbrojtje të UÇK-së, autobusët u siguruan nga komuna

Qytetarë të shumtë janë nisur drejt Tiranës për të marrë pjesë në protestën gjithëkombëtare në mbështetje të ish-krerëve të Ushtrisë Çlirimtare të Kosovës.

Kryetari i Prizrenit Shqir Totaj, i cili garon edhe për një mandat, ka siguruar autobusët për prizrenasit qe iu bashkuan kësaj proteste.

“Prizreni i bashkohet protestës së madhe në mbrojtje të UÇK-së! Krenar që Komuna ka përkrahur sigurimin e autobusëve të parë të cilët janë nisur paradite nga qyteti ynë!”, shkruhet në njoftimin e Totajt, i cili ka publikuar edhe pamje nga nisja e këtyre autobusëve.