Pritje në pikat kufitare, kolona deri në 900 metra

Qendra Kombëtare për Menaxhim Kufitar ka raportuar për pritje të gjata në disa pika kufitare me Kosovën.

Te Dheu i Bardhë, pritjet në hyrje kanë arritur mbi një orë me kolonë prej 900 metrash, ndërsa në dalje kolonat janë rreth 400 metra me pritje 35 minutëshe.

Në pikën kufitare Muçibabë, qytetarët po presin rreth 30 minuta në hyrje, me një kolonë prej 160 metrash. Në Vërmicë, pritjet arrijnë deri në 20 minuta, ndërsa në Kullë dhe Jarinje deri në 10 minuta.

Pikat e tjera kufitare paraqiten më të qeta, me pritje të zakonshme nga 3 deri në 5 minuta.