Presidentja Osmani flet për Urën e Ibrit, tregon çka i kanë thënë në SHBA gjatë takimeve

Presidentja e Kosovës, Vjosa Osmani, ka thënë se gjatë takimeve që i ka zhvilluar në Shtetet e Bashkuara të Amerikës, nuk kanë qenë kundër hapjes së Urës së Ibrit.

Por, sipas saj, ata kanë kërkuar koordinim.

Gjatë vizitës në Komunën e Vitisë, e para e shtetit ka thënë se ShBA-ja ka kërkuar që bashkërisht të ulën dhe të krijojnë një plan të zbatimit për hapjen e kësaj ure.

Osmani ka thënë se për hapjen e urës nuk duhet të pyetet Serbia, ndërsa ka thënë se as zëdhënësi i BE-së, Peter Stano nuk e pyet Serbinë kur i kalon urat në shtetin e tij.