Policia kërkon ndihmën e qytetarëve për kapjen e të dyshuarit për grabitje

Drejtoria Rajonale e Policisë në Pejë ka lëshuar një kërkesë për bashkëpunim me qytetarët lidhur me lokalizimin dhe arrestimin e një personi të kërkuar për grabitje.

I dyshuari është Ujkan (Luan) Lataj, i lindur më 2 gusht 2001 në fshatin Carrabreg të Deçanit. Policia njoftoi se ai është i kërkuar për veprën penale “Grabitje”, ndërsa publikimi i të dhënave është bërë me autorizim të Prokurorisë Themelore në Pejë.

Policia e Kosovës iu bën thirrje qytetarëve që, nëse kanë ndonjë informacion për vendndodhjen e tij, të lajmërojnë menjëherë organet e rendit përmes:

Numrit të urgjencës 192 ose 0800 19999 (pa pagesë)

Drejtorisë Rajonale në Pejë në 039 432 327

Apo përmes emailit: [email protected]

Thirrja është publikuar edhe në faqen zyrtare të Policisë së Kosovës në Facebook.