Policia arreston tre të dyshuar dhe sekuestron një sasi armësh dhe municion

Policia e Kosovës ka njoftuar se më 13 gusht në koordinim me Prokurorinë në Pejë ka kontrolluar tri lokacione në Klinë dhe një në Prishtinë. Gjatë këtij aksioni janë arrestuar 3 persona të dyshuar për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”

Ndërsa, gjatë kontrollit të realizuar si dëshmi materiale janë sekuestruar:

1. Një armë e gjatë snajper,

2. Dy karikatorë me 40 fishekë të armës,

3. Një pistoletë me një karikator dhe 8 fishekë,

4. Një pistoletë me dy karikatorë dhe 4 fishekë,

5. Një pistoletë me një karikator dhe 14 fishekë,

6. Një pistoletë me një karikator dhe 52 fishekë,

7. Një pushkë ajrore me 5 fishekë,

8. 14 fishekë të pistoletës me gas,

9. Një pushkë gjuetie,

10. Një automatik AK-47 me dy karikatorë,

11. Tre telefona mobile,

12. Një thikë,

13. Një shpatë e arteve marciale,

14. Një antiplumb.

Policia njofton se disa nga dëshmitë janë me leje dhe janë sekuestruar me qëllim të verifikimit dhe procedurave të mëtutjeshme.

Një nga të dyshuarit është ndaluar për 48 orë, ndërsa dy të tjerët janë liruar në procedurë të rregullt.

“Në konsultim me prokurorin kompetent është inicuar rast për veprën penale Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse, ndërsa njëri nga të dyshuarit pas intervistimit është ndaluar për 48 orë dhe dy të dyshuarit tjerë janë liruar në procedurë të rregullt.”