Përfundon numërimi edhe në gjashtë komuna të tjera

Bazuar në përditësimin e fundit të të dhënave të Komisionit Qendror të Zgjedhjeve, ka përfunduar numërimi edhe në gjashtë komuna të tjera.

Sipas të dhënave në sistem, numërimi i votave për kandidatët për Kuvendet Komunale, verifikimi i votave për kandidatët për kryetarë komunash dhe verifikimi i votave të subjekteve politike për asamble ka përfunduar në Kllokot, Partesh, Ranillug, Shtërpcë, Novobërdë dhe Istog.

Gjatë së mërkurës u njoftua nga KQZ që numërimi kishte përfunduar në nëntë komuna. Të dhënat e fundit tregojnë se tashmë ky proces ka përfunduar në 15 nga 38 komunat e Kosovës.