Pakistani mbyll kufirin me Iranin

Zyrtarët provincialë të Pakistanit njoftuan të hënën se vendi ka mbyllur të gjitha pikat kufitare me Iranin për një periudhë të pacaktuar.

Ky vendim vjen në një kohë tensionesh të rritura mes Izraelit dhe Iranit, të cilët po shkëmbejnë sulme intensive dhe kërcënojnë me përshkallëzim të mëtejshëm të konfliktit, transmeton klankosova.

Autoritetet pakistaneze nuk dhanë detaje të hollësishme mbi arsyet specifike të mbylljes, por thuhet se masa është marrë për arsye sigurie, në kuadër të zhvillimeve të fundit në rajon.

Kjo lëvizje mund të ndikojë ndjeshëm në tregtinë dhe lëvizjen e qytetarëve në zonat kufitare mes dy vendeve.