Numërimi i votave të diasporës për zgjedhjet në Shqipëri, ja rezultatet e para

Ka nisur zyrtarisht procesi i numërimit të votave të ardhura nga diaspora për zgjedhjet parlamentare të 11 majit në Shqipëri. Deri në orën 07:40 të mëngjesit, janë numëruar 1,660 zarfe nga gjithsej 194,889 që kanë mbërritur nga votuesit shqiptarë jashtë vendit.

Sipas të dhënave të publikuara nga Komisioni Qendror i Zgjedhjeve, kryesimin e kanë Partia Demokratike – Aleanca për Shqipërinë Madhështore me 726 vota, e ndjekur nga Partia Socialiste me 705 vota.