Ndërpritet furnizimi me gaz i Irakut nga Irani pas sulmeve

Importet e gazit të Irakut nga Irani janë ndalur pas sulmeve në objektet iraniane të gazit, thotë ministria e energjisë elektrike e Irakut në një raport të publikuar në mediat irakiane, ka raportuar BBC, transmeton Gazeta Express.

Iraku aktualisht importon më shumë se një të tretën e nevojave të tij për gaz dhe energji nga Irani, sipas agjencisë së lajmeve Reuters.

Zëdhënësi i ministrisë së energjisë elektrike, Ahmed Moussa, i tha Agjencisë së Lajmeve Irakiane: “Si rezultat i pasojave të zhvillimeve në rajon, rrjedhat e gazit iranian në Irak u ndalën plotësisht.”