Musliu: Fajtori për helmimin e shoqërisë është Albin Kurti

Deputetja e Partisë Demokratike të Kosovës, Ganimete Musliu, i është përgjigjur me kritika të forta kryeministrit në detyrë, Albin Kurti, pas deklaratës së tij në një takim me diasporën shqiptare në Londër, ku Kurti tha se “atmosfera është helmuar, ka xhelozi dhe inati” dhe për këtë arsye po i vështirësohet formimi i Qeverisë.

Përmes një postimi në Facebook, Musliu ka thënë se përgjegjësi kryesor për “helmimin e shoqërisë” është vetë Albin Kurti.

“Albin Kurti asnjëherë nuk u distancua nga dhuna verbale e ndjekësve të tij. As me një fjalë të vetme, as me një gjest të vetëm. Tani shpresoj që do ta marrësh faturën që e meriton,” ka shkruar Musliu.