Momenti kur raketa balistike iraniane godet spitalin Soroka në Beersheba të Izraelit (Pamje)

Raketat iraniane kanë goditur spitalin Soroka në qytetin jugor izraelit të Beershebas.

Një video amatore e postuar në rrjetet sociale, shfaq momentin kur raketa balistike iraniane godet spitalin Soroka në Beersheba të Izraelit.

Paramedikët në Izrael po trajtojnë të paktën 32 persona për lëndime pas raundit të fundit të sulmeve të Iranit, sipas shërbimit të emergjencës izraelite Magen David Adom (MDA), raporton BBC.

Dy persona, një burrë rreth 80 vjeç dhe një grua rreth 70 vjeç, po dërgohen në spital në gjendje të rëndë, ndërsa 30 persona të tjerë kanë lëndime të lehta, kryesisht nga shpërthimet dhe shrapnelët, thotë MDA.

Në një raport të veçantë, paramediku i MDA-së, Yossi Shilo, thotë se ekipi i tij pa “shkatërrim të gjerë” në një kantier ndërtimi. Një grua rreth 60 vjeç u dërgua në spital në “gjendje të rëndë por të qëndrueshme”, shton ai.