Miratohet marrëveshja për shërbimet ajrore mes Kosovës dhe Arabisë Saudite

Është aprovuar Marrëveshja në fushën e shërbimeve të transportit ajror mes Kosovës dhe Arabisë Saudite.

Kjo është bërë e ditur përmes një njoftimi të lëshuar sot nga Ambasada e Republikës së Kosovës në Riad.

“Kryeministri i Mbretërisë së Arabisë Saudite, Princi i Kurorës, Mohammed bin Salman Al Saud, dje në mbledhjen e qeverisë e aprovoi Marrëveshjen mes Kosovës dhe Arabisë Saudite në fushën e shërbimeve të transportit ajror”- shkruan në njoftimin e Ambasadës.