Mbushen sheshet e Prishtinës, mijëra qytetarë protestojnë kundër padrejtësisë nga Gjykata Speciale – fillon protesta

Mijëra qytetarë kanë arritur në sheshet e Prishtinës.

Prishtina është e bllokuar edhe nga veturat, dhe organizatorët po presin për të gjithë protestuesit.

Ka nisur grumbullimi i protestuesve në sheshet e Prishtinës.

Qindra kanë ardhur me autobusë nga komunat e tjera.

Protesta është paralajmëruar që të fillojë në orën 17:00.

Organizatat e Veteranëve të Luftës kanë bërë të ditur se folës pritet të jenë: Nevenka Tromp, Ali Ahmeti, Hysni Gucati dhe një djal i dëshmorit.

Thirrje për dalje në këtë protestë nuk ka bërë vetëm Lëvizja Vetëvendosje, e cila derisa ka ardhur në pushte e ka kundërshtuar themelimin e Gjykatës Speciale. Madje, eksponentëve të lartë të kësaj partie iu ka penguar mbështetja dhe mobilizimi i madh për këtë protestë që ka për qëllim kundërshtimin e padrejtësive që po iu bëhen sh-krerëve të UÇK-së në Hagë.

Një ditë më parë, të gjitha partitë e opozitës ju kanë bërë thirrje qytetarëve të Kosovës për pjesëmarrje në këtë protestë.

Kryetari i PDK-së, Memli Krasniqi, ka thënë se kjo protestë është në mbrojtje të vlerave të UÇK-së.

“Nesër, më 7 gusht, në ora 17:00, mblidhemi të gjithë në sheshin “Skënderbeu” – në një protestë që nuk është thjesht reagim, por një akt ndërgjegjeje kombëtare. Le të jehojë zëri i secilit që nuk pranon që lufta për liri të njolloset, që historia jonë të rishkruhet padrejtësisht, e që drejtësia të kthehet në padrejtësi. Me çlirimtarët. Për drejtësi. Për Kosovën”, ka shkruar ai në profilin e tij në “Facebook”.

Edhe nënkryetari i LDK-së, Lutfi Hazri, ai ka thënë se proteste e 7 gushtit është thirrje për Republikën dhe mbrojtjen e vlerave të përbasketa.

“Një ushtri çlirimtare me një emblemë e me një qëllim, për një Republikë të lirë, të pavarur dhe të drejtë për të gjithë. Protesta e 7 gushtit është thirrja jonë për Republikën. Duhet të mbrohen vlerat dhe qëllimi i përbashkët. Në emër të atdheut, familjes e Zotit, dje, sot e nesër!”, ka shkrua ai në profilin e tij në “Facebook”.