Presidentja e Kosovës, Vjosa Osmani, ka bërë të ditur se Malajzia ka marrë vendim për heqjen e vizave për qytetarët e Kosovës për qëndrime deri në 30 ditë.
Osmani ka paralajmëruar vizitë në Malajzi javën e ardhshme ku do të hapë ambasadën e Kosovës në Kuala Lumpur
“Përpara vizitës sime zyrtare në Malajzi javën e ardhshme, jam thellësisht mirënjohës ndaj autoriteteve malajziane për vendimin e tyre për të përjashtuar nga [kërkesa] vizat për të gjithë qytetarët e Republikës së Kosovës për qëndrime deri në 30 ditë”.
“Ky hap i rëndësishëm, i kombinuar me hapjen e ardhshme të Ambasadës sonë në Kuala Lumpur gjatë vizitës sime javën e ardhshme, është një shenjë e qartë se lidhjet midis dy vendeve tona po forcohen çdo ditë”.
Osmani shprehu mirënjohje për institucionet malajziane për këtë vendim domethënës.
“Pres me padurim të angazhohem me udhëheqësit e shtetit javën e ardhshme, ndërsa punojmë së bashku për të thelluar bashkëpunimin tonë dhe për të çuar përpara interesat e përbashkëta të popujve tanë”.
Të tjera
Lajme
Sadiku: LDK i kishte 15 vota të gatshme për Osmanin, por s’u paraqit si kandidate
Deputeti i LDK-së, Ermal Sadiku, ka
Aktuale
“Kurti i ka vetëm dy zgjidhje, ose t’i ofrojë Hamzës ose Abdixhikut të bëhet president”
Analisti Nexhmedin Spahiu konsideron se Kurti
Lajme
SHBA këshillon shtetasit e saj të rishqyrtojnë kryerjen e Haxhit në Mekë
Ambasada e SHBA-së në Arabinë Saudite