Limaj: Nuk kemi pasur takim me Kurtin, VV-ja ka obligim të krijojë shumicën

Kryetari i Nismës, Fatmir Limaj, ka mohuar se ka pasur takim me kryetarin e Vetëvendosjes, Albin Kurti, duke theksuar se është obligim i VV-së të gjejë rrugë për krijimin e shumicës.

“Pas një pauze po kthehemi në Kuvend me shpresën që gjërat tanimë janë më të qarta se para aktgjykimit të Gjykatës Kushtetuese. Ne presim që seanca të vazhdojnë sipas udhëzimit të Gjykatës Kushtetuese, e pastaj shohim si do të rrjedhin gjërat. Nuk kemi pasur takim me Kurtin, pas aktgjykimit, gjërat janë më të qarta, partia e parë me të drejtën e propozimit, ka edhe obligime, për të ndërtuar shumicë qeverisëse. Presim këto veprime t’i bëjë partia e Kurtit”, tha Limaj.