Lexim i kujdesshëm i njoftimit të Kushtetueses, qysh iu referua rregullorës që e propozoi dhe votoi Vetëvendosja

Gjykata Kushtetuese ka vendosur që seanca konstitutive nuk ka përfunduar, dhe për rrjedhojë Kuvendi i Kosovës nuk është konstituuar pa zgjedhjen e një Nënkryetari të Kuvendit të Kosovës nga radhët e komunitetit serb.

Gjykata Kushtetuese i ka numëruar 12 ditë afat të mbetura të seancës konstitutive nga Aktgjykimet e kaluara, dhe se 12 ditëshi afat nis të numërojë prapa në publikimin e Aktgjykimit dhe hyrjes së saj në fuqi me t’u publikuar në Gazetën Zyrtare.

Ajo që bie në sy është referenca që Gjykata ka përdorur në këtë njoftim e që ka të bëjë me rregulloren e Kuvendit të Kosovës, e cila është miratuar më 22 korrik të vitit 2022. Thënë ndryshe, u propozua, përpilua dhe votua nga Vetëvendosje.

“…gjatë procedurës së zgjedhjes së nënkryetarit të Kuvendit të Republikës së Kosovës nga radhët e deputetëve të komunitetit Serb, të ushtrojnë funksionin e tyre kushtetues në interesin më të mirë të Republikës së Kosovës dhe në pajtim me Kushtetutën dhe Rregulloren e Kuvendit” – thuhet ndër të tjera në njoftimin e Gjykatës Kushtetuese.

Pse është e rëndësishme kjo referencë?

Referenca saktësisht te rregullorja e Kuvendit, ka të bëjë me faktin se në rregullorën e Kuvendit e cila ishte miratuar në vitin 2010, dhe e cila ishte në funksion derisa Vetëvendosje e ndryshoi, në lidhje me zgjedhjen e nënkryetarëve të Kuvendit.

Në rregullorën e vjetër thuhej kështu, në nenin 12 pika 5, “Kryesuesi i mbledhjes konstituive të legjistlatruës kërkon nga deputetët që mbajnë vende të garantuara për komunitetin serb dhe nga deputetët që mbajnë vende të garantuara për komunitetet e tjera, që nuk janë shumicë, ta propozojnë nga një kandidat për nënkryetar të Kuvendit. Nënkryetarët, sipas kësaj pike, zgjidhen me shumicën e votive të deputetëve të Kuventit” – thuhet aty.

Pse rregullorja e re e “favorizon” Listën serbe?

Rregullroja e re, e propozuar dhe votuar nga Vetëvendosje, në nenin 12 të kapitullit, Zgjedhja e nënkryetarëve të Kuvendit, thuhet kështu:

“Kandidati për nënkryetar të Kuvendit nga rradhët e komunitetit serb propozohet nga shumica e deputetëve serb…”

Pra, është pikërisht rregullorja e re, e cila e ka paraparë fjalinë “nga shumica e deputetëve serb”, e që në këtë rast shumicën e atyre deputetëve i ka Lista Serbe.