Ky është mesazhi me përmbajtje të rëndë nga daja i Elijonës drejtuar produksionit

Daja i Elijonës ka shpërthyer me një reagim të fortë publik drejtuar produksionit të “Big Brother”, duke kundërshtuar kategorikisht rrëfimin e mbesës së tij brenda shtëpisë më të famshme në vend. Ai deklaron se emri dhe adresa e tij personale po keqpërdoren në rrjetet sociale dhe se po përballet me fyerje, kërcënime dhe shpifje nga persona të panjohur.

Në mesazhin e tij të gjatë, ai e quan rrëfimin e Elijonës “një trillim të ulët” dhe “manipulim”, duke këmbëngulur se ndarja e prindërve të saj ka ardhur si pasojë e dhunës së ushtruar nga babai dhe jo për shkak të familjes së tij. Ai thekson se është daja biologjik i Elijonës, pjesë e familjes dhe jo një person anonim apo komentues rrjetesh.

Më tej, ai drejton kritika të forta ndaj formatit të “Big Brother”, duke e cilësuar atë si “teatër poshtërimi” që shfrytëzon tragjeditë personale për audiencë. Sipas tij, ndërtimi i një “karriere” mbi dhimbjen e dikujt tjetër nuk është sukses, por dështim moral.

Ky reagim ka hapur një debat të madh publik, ndërsa produksioni ende nuk ka dhënë një qëndrim zyrtar lidhur me pretendimet e tij.