Krejt çka u gjet në banesën e zyrtarit komunal në Pejë

Një bastisje e Policisë në Pejë ka zbuluar armë e municion në banesën e zyrtarit komunal Luan Gashi, rreth 44-vjeçar, pas publikimit të një videoje ku ai shihej duke konsumuar lëndë narkotike dhe me armë në tavolinë.

Burime të Sinjalit bëjnë të ditur se gjatë kontrollit, policia gjeti dhe sekuestroi: një armë zjarri turke, 2 karikatorë, 123 fishekë kalibër 9×19 mm, një thikë.

Në zyrën e tij në objektet e Komunës së Pejës nuk u gjet asgjë e kundërligjshme.

Gashi u arrestua dhe u dërgua në stacionin policor, ku u intervistua nga hetuesit rajonalë. Me vendim të Prokurorit të Shtetit, ai u lirua në procedurë të rregullt, ndërsa rasti është duke u hetuar për “Mbajtje në pronësi dhe kontroll të paautorizuar të armëve”.