Kosova e bllokuar, Bislimi takon Sorensenin në kuadër të dialogut me Serbinë

Zëvendëskryeministri Besnik Bislimi po qëndron në Bruksel në kuadër të dialogut Kosovë -Serbi.

Bashkimi Evropian e ka konfirmuar se Bislimi atje ndodhet me ftesë të emisarit Peter Sorensen dhe se kanë pasur takim të përbashkët sot. Sipas një zëdhënësi, në kryeqytetin evropian nesër shkon edhe kryenegociatori serb Petar Petkoviq dhe se takimet në kuadër të dialogut do të zhvillohen në nivel të kryenegociatorëve.

“Nuk dua të lëshohem në parashikime se ku mund të çojë takimi. Ajo që mund të themi është se takimet janë caktuar në nivel të kryenegociatorësh” ka thënë zëdhënësi i BE’së Anouar El Anouni. Ai ka konfirmuar se takimi Sorensen -Bislimi është mbajtur sot, ndërsa nesër atje shkon Kryenegociatrori serb Petkoviq