Kica-Xhelili: Vetëvendosjes i duhet një periudhë në opozitë për ta rimenduar qasjen qeverisëse

Doarsa Kica-Xhelili, nënkryetare e LDK-së dhe njëherësh kandidate për deputete në zgjedhjet e 28 dhjetorit, ka deklaruar në Debat Plus se Lëvizjes Vetëvendosje i duhet një periudhë që të qëndrojë në opozitë.

Sipas Kica-Xhelilit, Vetëvendosje duhet ta rimendojë qasjen e saj. Ajo ka theksuar se nuk ekziston asnjë projekt madhor me të cilin kjo qeveri apo vetë kryeministri në detyrë mund të krenohen.

“A me PDK-në apo me Vetëvendosjen? Përgjigjja e parë është me parimet që i ka përcaktuar LDK-ja, mbi të cilat negociohet. Vetëvendosja nuk mund ta pranojë diçka të tillë, për faktin se të besosh në këto shtylla nuk është momentale, është proces”, ka thënë ajo.

“Mendësia është proces mbi të cilin duhet të kalosh. Nuk mundesh brenda natës ta rikuptimësosh atë mbi të cilën funksionon si individ apo si lëvizje politike. E para, dhe e dyta, është se gjithçka që kemi parë nga Lëvizja Vetëvendosje këto pesë vite, tregon se atyre u duhet një periudhë në opozitë për ta rimenduar plotësisht funksionin e ekzekutivit dhe qasjen që duhet ta ketë një parti politike gjatë qeverisjes”, ka deklaruar ajo.