Këto janë dy datat kur mund të mbahen zgjedhjet, sipas Memli Krasniqit

Memli Krasniqi, u dorëhoq dje nga posti i kryetarit të Partisë Demokratike të Kosovës.

Ai në emisionin Rubikon në Klan Kosova, foli për shumë tema me rëndësi për vendin.

Krasniqi i përmendi edhe disa data të mundshme për zgjedhje nëse nuk arrihet të formohet qeveria e re.

“I pres në dhjetor, data e vetme nëse këta vazhdojnë me ngreh zhag afatin, sepse edhe kur ia ka dhënë presidentja edhe unë besoj që s’është dashur me dhënë, ka pasur dëshmi të mjaftueshme agonia institucionale zgjatet se ata nuk munden qeverinë se të gjithë ne ishim deklaruar zyrtarisht si parti shqiptare dhe disa prej komuniteteve që s’e votojmë. Është dashur të na çojë në zgjedhje menjëherë edhe e kishim pasur tash ndoshta datën 7 e kishte vazhduar procesi pa vonesa, po tash mbetet që nëse e ngrehin deri në ditën e fundit afatin, që zgjedhjet mund të jenë më 21 ose më 28”, deklaroi Krasniqi.