Kështu duket makina pas aksidentit, futbollistin e njohur mezi e nxorën

Mediat angleze sjellin detaje të reja nga aksidenti i tmerrshëm i ndodhur këtë të shtunë në Angli.

34-vjeçari Michail Antonio, futbollist i skuadrës së Premier League, West Ham United, është aksidentuar me Ferrarin e tij.

Gjendja e tij është stabile, siç konfirmoi West Ham në një postim në rrjetet sociale.

“West Ham United mund të konfirmojë se Michail Antonio është në një gjendje të qëndrueshme pas një aksidenti automobilistik”, ka njoftuar mes të tjera skuadra West Ham.

“Daily Mail” raportoi se edhe 45 minuta pas aksidentit, Antonio mbeti i bllokuar në makinën e tij të shtypur, e cila është përplasur me një pemë.

Futbollisti mezi është nxjerrë nga makina.