Iu dha lamtumira e fundit studentes 25 vjeçare nga Gjakova që vdiq në Tetovë

Sot në qytetin e Gjakovës është përcjellë për në banesën e fundit Daorsa Spahija, studentja kosovare që humbi jetën tragjikisht në Tetovë.

E ndjera, 25 vjeçe, ishte studente e nivelit master në Universitetin e Tetovës. Ende mbeten të paqarta rrethanat në të cilat ajo humbi jetën.

Në ceremoninë e varrimit morën pjesë familjarë, miq, dhe shumë qytetarë që kishin ardhur për t’i dhënë lamtumirën e fundit.