Ishte djalë hasreti, ky është i riu që vdiq në aksidentin e sotëm në Dollc

Një aksident i rëndë komunikacioni i ka marrë jetën një të riu sot në Dollc të Klinës. Viktima është Sadik Muslija, 23-vjeçari nga fshati Dujakë i Gjakovës. Sadiku ishte djali i vetëm i familjes Muslija.

Nё kёtё aksident ishin tё përfshira njё autobus dhe njё veturё me targa vendore.

Aksidenti dyshohet se ka ardhur derisa drejtuesi i veturës ishte duke qarkulluar nё drejtimin Prishtinё–Pejё, ku me tё arritur në fshatin Dollc, duke mos iu pёrshtatur shpejtёsisё dhe kushteve tё rrugёs, humb kontrollin mbi automjet dhe kalon nё shiritin pёr lëvizje nga ana e kundёrt dhe godet autobusin nё pjesёn ballore.