Ilnisa i përgjigjet Meritonit pas komenteve të këtij të fundit

Gazetarja, Ilnisa Agolli, ka reaguar publikisht ndaj ish-partnerit të saj, Meriton Mjekiqi, pas deklaratave të tij në premierën e filmit ADN.

Gjatë intervistës, Meritoni e quajti Ilnisën thjesht “Ilnisa e showbizit”, duke lënë të kuptohet se lidhja e tyre nuk ishte serioze dhe duke injoruar mbiemrin e saj.

Romanca e tyre ishte një nga temat më të përfolura në Big Brother VIP Albania, dhe edhe pas ndarjes, marrëdhënia ka vazhduar tërheqjen e vëmendjes mediatike.

Ilnisa reagoi në Instagram, duke postuar një fotografi të saj me mesazhin e qartë: “Qëndrimi im është më i madh se egoja jote”.

Ky postim u interpretua si një përgjigje direkte ndaj tentativës së Meritonit për të minimizuar lidhjen e tyre.

Me këtë mesazh, gazetarja tregoi se nuk do të lejojë që personaliteti dhe qëndrimi i saj të nënvlerësohen nga ish-partneri.