Zëvendëspresidentja demokrate e SHBA-së, Kamala Harris, ka një avantazh prej tri pikësh ndaj ish-presidentit republikan Donald Trump, me një elektorat të zymtë që thotë se vendi është në rrugën e gabuar, zbuloi një sondazh i ri i Reuters/Ipsos.
Sondazhi tregon se Harris kryeson me 46% në mesin e votuesve të mundshëm, teksa Trumpi ka marrë 43%.
Kryesimi i Harris në sondazhin gjashtë-ditor, i cili u mbyll të hënën, ndryshonte pak nga avantazhi i saj prej 45% në 42% ndaj Trump në një sondazh të Reuters/Ipsos të kryer një javë më parë, duke përforcuar pikëpamjen se gara është jashtëzakonisht e ngushtë me vetëm dy javë të mbetura para zgjedhjeve të 5 nëntorit.
Sondazhi i ri tregoi se votuesit kanë një pikëpamje të zbehtë për gjendjen e ekonomisë dhe emigracionit – dhe ata në përgjithësi favorizojnë qasjen e Trump për këto çështje.
Rreth 70% e votuesve të regjistruar në sondazh thanë se kostoja e tyre e jetesës ishte në rrugën e gabuar, ndërsa 60% thanë se ekonomia po shkonte në drejtimin e gabuar dhe 65% thanë të njëjtën gjë për politikën e imigracionit.
Votuesit thanë gjithashtu se ekonomia dhe imigracioni, së bashku me kërcënimet ndaj demokracisë, ishin problemet më të rëndësishme të vendit.
Të tjera
Aktuale
Kryeziu: Vetëm në një klasë në Prizren s’pati keqpërdorime me vota
Kryeprokurori i Prizrenit, Petrit Kryeziu, tha
Aktuale
Prizreni kampion i keqpërdorimit të votave: 109 të ndaluar dhe mbi 68 mijë vota të manipuluara
Kryeprokurori i Prokurorisë Themelore, Petrit Kryeziu,
Aktuale
Kurti e tregon “recetën sekrete” të qeverisjes së tij
Kryeministri në detyrë, Albin Kurti, ka