Ministrja e Punëve të Jashtme, kërkoi solidaritetin e kabinetit qeveritar, ndërsa propozoi në mbledhjen e sotme të ekzekutivit që të ndahen 200 mijë euro për Bosnjë e Hercegovinën, e cila së fundmi u përball me pasoja fatale të vërshimeve.
Donika Gërvalla tha se do të mund ta përgatiste një kërkesë zyrtare për këtë.
“Në fakt desha t’ju drejtohem me një çështje pak jashtë edhe kornizave të kësaj mbledhjeje me vendime e propozime për të marrë mendimin tuaj për një kërkesë që do ta kemi si Ministri e Punëve të Jashtme për solidarizim me Bosnjën në një situatë e cila.. Vërshimet e jashtëzakonshme që kanë ndodhur kanë shkaktuar dëme shumë të mëdha, prandaj do të kërkoja solidaritetin tuaj, solidarizimin tonë të përbashkët me një shumë prej 200 mijë eurosh. Nëse nuk ka ndonjë kundërshtim këtu, atëherë kryeministër, do t’ju dërgojmë kërkesën zyrtare si MPJ që të mund ta ndërmarrim një hap të tillë”, tha ajo.
Kryeministri Albin Kurti, tha se kjo duhet të shqyrtohet në një mbledhje tjetër.
“Faleminderit zëvendëskryeministre Gërvalla. Ne për këtë na duhet ta mbajmë një mbledhje tjetër online, që të përgatiet vendimi, materiali, e më pas ta miratojmë atë”, tha Kurti.
Pasi foli edhe zëvendëskryeministrja nga komuniteti boshnjak, Emilia Rexhepi, Kurti tha se “do ta përgatisim këtë propozim-vendim dhe e votojmë në një mbledhje online këtë javë”.
Të tjera
Aktuale
Kuvendi i Kosovës me 63 seanca dhe 750 minuta punë, pa Qeveri dhe pa buxhet
Kuvendi i Kosovës ka zhvilluar
Aktuale
Fushata VV-së “të gjithë me Listën Serbe”, Haradinaj: Mjerë ata, jemi më shumë se propaganda e tyre
Vetëvendosja këtë fushatë zgjedhore e
Lajme Opinione
Abdixhiku kujton Xhemail Mustafën: Ideali i tij mbetet gurëthemel i Republikës!
Kryetari i Lidhjes Demokratike të