Geci: Kurrë një koalicion LDK – PDK, ndërsa me VV-në është në duar të kryesisë

Ish-deputeti i Lidhjes Demokratike, Gani Geci, ka theksuar se asnjëherë vajza e tij deputete e rizgjedhur nuk do të mbështeste një koalicion të LDK-së me Partinë Demokratike të Kosovës (PDK).

Në Debat Plus, Geci theksoi se një koalicion me PDK-në, edhe nëse do të miratohej nga kryesia, nuk do të kishte asnjë shans të kalonte.

“Një koalicion i LDK-së me PDK-në e ka një votë mangu. Kurrë, kurrë nuk mund të ndodhi. Një koalicion me VV-në nëse e vendos kryesia e voton, nëse nuk vendos, kurrë. Një koalicion me PDK edhe nëse vendos kryesia edhe nëse qohet prej varri Adem Jashari nuk e voton”, deklaroi Geci.

Ndërsa për koalicionin me Lëvizjen Vetëvendosje (VV), Geci theksoi se ky vendim është në duar të kryesisë së LDK-së.

Ai shtoi se nëse kryesia e partisë vendos për një koalicion me VV-në, atëherë ai do ta mbështeste, duke e cilësuar si të keqen më të vogël ndër dy mundësitë.

“Një koalicion me VV-në është në domenin e kryesisë. Nëse vendos kryesia, e votoj. Nëse nuk vendos, kurrë,” tha Geci, duke theksuar se për të, koalicioni me VV-në është më i pranueshëm se ai me PDK-në.