Ekipi menaxhues i Gjestit del me njoftim për vdekjen tragjike të vëllait të këngëtarit

Ekipi menaxhues i këngëtarit Gjesti, ka publikuar një njoftim në profilin e tij në Instagram, pas rastit tragjik ku dje këngëtari humbi vëllain e tij 15-vjecar në një aksident në Pejë.

Në postimin në Instagramin e Gjestit, është bërë njoftimit se Eldioni, vëllai i këngëtarit, do të varroset sot në varrezat e fshatit Pavlan të Pejës në orën 17:00.

Njoftimi i plotë:

Me zëmër të thyer ju njoftojmë se sot, më 27 shtator, në ora 17:00, do të mbahet ceremonia e varrimit të Eldion Kelmendit, në varrezat e fshatit Pavlan, Pejë.

Jemi pranë familjes në këtë moment të rëndë dhe ju ftojmë ta kujtojmë me respekt e lutje.