E rëndë në Prishtinë: Humb jetën një vajzë e re, ra nga lartësia e një objekti në Lakrishtë

Një ngjarje e rëndë ka ndodhur sot në Prishtinë, ku një vajzë ka humbur jetën pasi ka rënë nga lërtësia e një objekti në lagjen “Lakrishtë”, raporton Gazeta Sinjali.

Sipas informacioneve të para, ngjarja ka ndodhur rreth orës 16:00.

Vdekja e viktimës është konstatuar nga ekipet mjekësore në vendin e ngjarjes.

Njësitet policore kanë dalë në vendin ku ka ndodhur ngjarja dhe e kanë rrethuar me shirita lokacionin.

Aktualisht  nuk dihen rrethanat e kësaj ngjarjeje të rëndë.

Ndërkaq, organet kompetente kanë nisur hetimet në lidhje me zbardhjen e detajeve të këtij rasti.