Deputeti i VV-së “godet” rëndë opozitën

Kosova, kryeministri Albin Kurti po bën përpjekje për hapjen e urës së Ibrit edhe pse në kundërshtim me ndërkombëtarët. Por, Kurti nuk ka mbshtetje as nga opozita në Kosovë.

Deputeti i Lëvizjes Vetëvendosje, Mefail Bajqinovci, ka thënë se sa i përket hapjes së urës, po shohim shqetësime nga opozita.

Sipas tij, frika e tyre është që mos “mos t’i faturohet hapja e urës të cilën kjo opozitë për 25 vjet nuk ishte në gjendje me e hap”.

“Opozita është në kollaps total, pa kauzë, pa drejtim, e çmontuar dhe e çoroditur”, shkruan ai.

Postimi i plotë:

Rreth urës së Ibrit në Mitrovicë po shohim shqetësime nga opozita, të cilët duket se preferojnë ta mbajnë urën të mbyllur vetëm e vetëm që kryeministrit Kurti mos t’i faturohet hapja e urës të cilën kjo opozitë për 25 vjet nuk ishte në gjendje me e hap. Deri ku shkon mllefi ndaj kryeministrit Kurti!

E kemi një opozitë e cila 5 herë në ditë deklaron se na prishet me ndërkombëtarët apo po hyjmë në konflikt me KFOR-in. Qetësohuni, askush nuk hyn në luftë, as nuk prishemi me ndërkombëtarë, por ura do të hapet.

Opozita është në kollaps total, pa kauzë, pa drejtim, e çmontuar dhe e çoroditur.