Deputetët afatshkurtër të Kosovës- Morën paga për 8 muaj pa bërë asgjë e tani mbeten ish-deputetë

Me 15 prill u thirr seanca e parë pas zgjedhjeve të 9 shkurtit.

Kjo seancë parashihej të ishte konstituive, por doli të jetë një seancë tejet e gjatë, transmeton lajmi.net.

Seanca konstituive zgjati deri me 10 tetor, kur u zgjodh nënkryetar i Kuvendit nga radhët e komunitetit serb, Nenad Rashiq.

Por, atij nuk i ra shumë të jetë nënkryetar i Kuvendit. Dje, me 20 nëntor, Kuvendi i Kosovës u shpërbë, pasi nuk u arrit formimi i Qeverisë së re nga Lëvizja Vetëvendosje si fitues i zgjedhjeve.

Kjo parti nuk arriti të siguroi numrat në dy tentime.Nga 15 prilli e deri më 20 nëntor, ish-deputetët morën hiq më pak se 8 paga.

Këto paga i morën pa e kryer asnjë punë. Përveç që morën pjesë nëpër seanca, asnjë hajr nuk ua pa qytetari.

Paga bazë e një deputeti është 1 mijë e 914 euro, pa përfshirë këtu edhe shtesat nga përvoja e punës.

Nëse e llogarisim se sa para kanë shkuar në paga të deputetëve, pa përfshirë shtesat nga përvoja e punës, atëherë janë harxhuar nga buxheti i shtetit hiq më pak se 1 milion e 837 mijë 440 euro.

Po ashtu gjatë kësaj kohe kanë marrë paga edhe stafi mbështetës politik, ku shuma llogaritet diku rreth 600 mijë euro.

Shumica e seancave të mbajtura sivjet zgjatën për disa minuta, ku Vetëvendosje tentonte me çdo kusht të zgjidhte Albulena Haxhiun si kryetare të kuvendit, por që s’arriti të siguronte një marrëveshje me partitë tjera që ta votonin