Bllokohen disa rrugë nga vërshimet në Suharekë, Muharremaj apelon qytetarët për kujdes

Me reshjet që kanë nisur që mbrëmjen e së premtes, kanë nisur sërish vërshime në disa zona.

Në Suharekë është bërë thirrje për kujdes në disa rrugë që janë vërshuar.

Kryetari i Komunës, Bali Muharremaj, ka treguar se cilat rrugë janë bllokuar.

“Rruga që kalon nga fshati Tërrnje në drejtim të Nëpëbishtit është e bllokuar”, ka thënë ai përmes një videoje në Facebook.