Arianit Balaj: Arben, ky është fundi i politikës kur njeriu nuk ka as qëndrim, as shtyllë, as karakter

Arben Gashi, LDK-ja nuk ka pasë kurrë fatin me u turpëru deri në këtë nivel, por ja që sot ti e bëre realitet.

Dimal Basha prej mëngjesi deri në mbrëmje nuk ka lanë fjalë të zezë pa ja thënë partisë tënde, e ti prap ia çon dorën me votu për kryeparlamentar.

Ky nuk është kompromis, ky është përulje, tradhti ndaj çdo votuesi të LDK-së që e ka mbajtë gjallë këtë parti me dekada.

Ti që e mban veten “shef” i grupit parlamentar, sot tregove që s’je as hije e politikanit që dikur përfaqësonte LDK-në.

Sepse kur një deputet e voton një njeri që e shan partinë e tij pa mëshirë, nuk është më politikë, është nënshtrim.

LDK-ja dikur ka nxjerrë prijës që kanë mbrojtë shtetin, sot me ty po bie në nivelin më qesharak, tu u bo vegël e Dimal Bashës.

Sot nuk e ulët vetëm veten, por gjithë LDK-në e ke futë në thes me një figurë që nuk ka as kredibilitet, as përkrahje.

Arben, ky është fundi i politikës kur njeriu nuk ka as qëndrim, as shtyllë, as karakter por vetëm frikë mos mbetet pa karrige.