Aktakuzë kundër nëntë personave për laboratorin e drogës në Prizren

Prokuroria Themelore në Prizren ka ngritur aktakuzë ndaj nëntë personave në lidhje me rastin e laboratorit të drogës të zbuluar në prill të këtij viti.

Sipas aktakuzës, të pandehurit kanë shfrytëzuar dy banesa në katin e shtatë të një ndërtese duke krijuar një laborator të sofistikuar “in door” për kultivimin e bimës “kanabis sativa”.

Sipas Prokurorisë, Laboratori ishte i pajisur me llamba profesionale, sisteme ventilimi, pesticide, matës temperaturash dhe pajisje mbështetëse, ku të njëjtit kanë kultivuar dhe rritur 175 bimë “kanabis sativa”.

Përpos kultivimit të bimës së hashashit, të pandehurit akuzohen edhe për blerjen, shitjen dhe shpërndarjen e narkotikëve.

K.R., dhe L.B., akuzohen se deri më 07.05.2025 kanë shpërndarë dhe shitur substanca narkotike të llojit “marihuanë” dhe “kokainë” në Prizren, Prishtinë dhe Fushë Kosovë. Gjatë bastisjeve është sekuestruar një sasi totale prej 451.91 gram kokainë, para të gatshme dhe pajisje tjera që shërbejnë për ndarjen dhe peshimin e lëndëve

Prokurori i çështjes, me ngritjen e aktakuzës ka propozuar që të bëhet konfiskimi i mjeteve dhe sendeve të cilat kanë mundësuar kryerjen e veprës penale dhe të cilat janë dobi pasurore e fituar me vepër penale, ndër të tjera:

Një (1) banesë prej 100 m2 në Prizren;
Një (1) banesë prej 114 m2, në Prizren;
Dy (2) vetura;
Narkotiku i sekuestruar;
Telefona mobil;
Para të gatshme në shumën prej 1,020 € dhe 30 CHF.

Njoftimi i plotë i Prokurorisë: